Tölvuleikur

Tölvuleikur hefur heltekið kerlingu. Þetta er fremur ómerkilegur leikur, svona í ætt við tetris. Nema hvað, kerling situr við tölvuna á kvöldin eins og óð manneskja og urrar ef einhver vogar sér að trufla hana. Og ekki nóg með það, þegar kerling er orðin svo stirð að hún neyðist til að hætta, þá flögra þessir kallar í hugskotum kerlingar og bara láta hana ekki í friði.

Og í nótt dreymdi kerlingu tölvuleikinn.
Og í morgun snérist fyrsta hugsunin um tölvuleikinn.

Þetta heitir að fá eitthvað á heilann.